Jón Júlíus Þorsteinsson:

"Ég hef myndir mínar fallegar, einfaldar og skýrar svo hvert barn skilji, þá skilja þær líka allir aðrir."

Úr formála Árna Böðvarssonar:

"Hljóðstöðumyndir þær sem hér birtast eru hinar fyrstu sem birtar eru á þennan hátt af íslenskum hljóðum. Þær eiga að vera gagnlegar við hvers konar kennslu í íslenskum framburði eða hljóðmyndun. þær eru því ætlaðar lestrarkennurum, framsagnarkennurum, söngkennurum, talmeinafræðingum og raunar öllum þeim sem þurfa að leiðbeina um rétta og eðlilega hljóðmyndun í íslensku".

Aðrir notkunarmöguleikar:

Hljóðstöðumyndirnar henta einnig vel í kennslu fyrir Ný-Íslendinga (innflytjendur) lesblinda og börn á leikskólaaldri. Með Hljóðstöðumyndunum fylgir bókin "LESTRARKENNSLA" hljóðlestraraðferð. Höfundur lýsir þar persónulegri aðferð sinni við lestrarkennsluna. Þar sem talkennsla og söngur sérhljóðanna var í hans höndum skemmtileg, fjölbreytt og árangursrík aðferð við lestrar- og framburðarkennsluna.

Lesefni:

Notkun myndanna og val á lesefni með fleim getur verið með ýmsu móti. "Byrjandinn" 30 lesblöð eftir Jón Júl. Þorsteinsson hafa verið mikið notuð. Annað námsefni sem reynst hefur vel að nota með Hljóðstöðumyndunum og samið var með þær í huga, eru bækurnar "Stafir og Hljóð" 1-A, 1-B og 1-C eftir Helgu Sigurjónsdóttur kennara.

Upplýsingar:

Lestrarkennslan sem verið hefur á þremur kasettum, er nú á þremur geisladiskum.
Verð alls kennsluefnisins er kr. 7.000.

Sú breyting hefur orðið á stjórn minningarsjóðsins að Sigurður G. Flosason, áður yfirkennari í Oddeyrarskóla og verið hefur gjaldkeri sjóðsins frá stofnun hans 1982 er nú hættur og Ágúst Frímann Jakobsson aðstoðarskólastjóri í Brekkuskóla er tekinn við. Einnig er Gunnlaugur Kristinsson einn af endurskoðendum sjóðsins hættur og Snorri Óskarsson kennari kemur í hans stað.

Aðalstjórn er því skipuð sem hér segir: Erla Kristjánsdóttir, Guðmundur Víðir Gunnlaugsson, Ágúst Frímann Jakobsson, Vilberg Alexandersson og Atli Guðlaugsson.

Netfang minningarsjóðsins og útgáfunnar er:erlakris@mi.is

Heimilisfang er Bakkastaðir 5a, 112 Reykjavík
Sími: 553-6848